✦
श्री गुरु जम्भेश्वर भगवान
•
प्रामाणिक 120 शब्दवाणी डिजिटल अभिलेखागार (C9.2.1)
शब्दवाणी — 120 Sacred Shabds
सत्य, धर्म, करुणा, जीव-दया एवं पर्यावरण संरक्षण के पावन अमर उपदेश। मूल शब्दवाणी अपरिवर्तनीय सुरक्षित, हिन्दी भावार्थ एवं English translation सहित।
☀
आज का पावन शबद (Daily Wisdom)
शब्द 71: शब्द 71: धवणा धूजै पाहण पूजै बे फरमाई खुदाई
मूल वाणी:
ओ३म्-धवणा धूजै पाहण पूजै बे फरमाई खुदाई, गुरू के चेले के पाए लागै देखो लोग अन्हयायी। काठी कणजो रूपा रेहण, कापड़ मांह छिपाई। नीचा पड़ पड़ तानैं धोकें, धीरा रे हरि आई। ब्राह्मण नाऊं लादण रूड़ा, बूता नाऊं कूता। वै अपहानै पोह बत...
हिन्दी भावार्थ:
शबद संख्या 71 में गुरु जम्भेश्वर जी जोगियों, सिद्धों और बाह्य भेष धारियों को सच्चा योग समझाते हैं। वे सिखाते हैं कि कान छिदवाना, भभूत मलना या वन-कंदराओं में भटकना योग नहीं है, अपितु मन के विकारों को वश में करना और जीव दय...
शबद क्रमांक चयन (Shabd 1 to 120 Navigator)
01
02
03
04
05
06
07
08
09
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
कार्ड प्रदर्शन:
विषय-वस्तु (Approved Themes):
प्रदर्शित शबद: 21–40 (कुल 120)
21
Raag Asa
शब्द 21 — शब्द 21: जिहिं कै सार असारूं
ओ३म्—जिहिं कै सार असारूं, पार अपारूं।
थाध अथाधूं, उमग्या समांधूं, ते सरवर कित नीरूं।
बाजालो भल बाजालो, बाजा दोय गहींरूं।
एकण बाजै नीर बरसै, दूजे मही बिरोलत खीरूं।
जिहिं कै सार असारूं, पार अपारूं, थाध अथाधूं, उमग्या समांधूं, गहर गंभीरूं।
गगन पयालै, बाजत नादूं, धरतल पयालै, नहिं लखायो।
दुनियां राति बाद विवादूं, बाद विवादे दाणूं खीणां।
ज्यूं पूछे खीणां भंवरी भंवरा, भावै जाण म जाण पिराणी।
जोलै का रिप जवरा।
भेर बाजातो एक जोजनौं अथवा दोय जोजनौं।
मेघ बाजातो पांच जोजनौं अथवा दस जोजनौं।
सोई उत्तम लेरे प्राणी, जुगां जुगांणी सत करि जाणौं।
गुरु का शब्द ज्यूं बोलो झीणी बाणी।
जिहिं का दूरां हूंते दूर सूणीजै, सो शब्द गुणा करूं, गुणा सारूं बले अपारूं।
✦ मुख्य संदेश:
संसार के शोर से ऊपर उठकर गुरु की सूक्ष्म वाणी को सुनना और समझना चाहिए।
प्रमाणित
शबद पढ़ें
22
Raag Dhanasari
शब्द 22 — शब्द 22: लो लो रे राजिंदर रायों
ओ३म्—लो लो रे राजिंदर रायों, बाजै बाव सुवायों, आभै अमी झुरायों।
कालर करसण कीयां, नेपे कछु न कायों।
अइया उत्तम खेती, को को इमृत रायों।
को को दाख दिखायों, को को ईख उपायों।
को को नींब निबोली, को को ढाक ढकोली।
को को तूषण तूंषण बेलीं, को को आक अकायों, को को कछु कमायों।
ताकां मूल कुमूलूं, डाल कुडालूं, ताकां पात कुपातूं, ताकां फल बीज कुबीजूं, तो नीर दोष किसायों।
क्यों क्यों भूपभागे ऊंगा, क्यों क्यों कर्म विहूंगा।
को को चिड़ी चमड़ी, को को उल्लू आयों।
ताकै ज्ञान न जोती, मोक्ष न मुक्ति।
याके कर्म इसायों, तो नीरे दोष किसायों।
✦ मुख्य संदेश:
जैसा कर्म और जैसा बीज, वैसा ही उसका परिणाम।
प्रमाणित
शबद पढ़ें
23
Raag Dhanasari
शब्द 23 — शब्द 23: साहिल्या हुआ मरण भय भागा
ओ३म्—साहिल्या हुआ मरण भय भागा, गाफिल मरणो धणा डरे।
सतगुरु मिलियो सत पंथ बतायो, भ्रांत चुकाई, मरणे बहु उपकार करे।
रतन काया सोभंति लाभै, पार गिराये जीव तिरै।
पार गिराये सनेही करणी, जंपो विष्णु न दोष दिल करणी।
जंपो विष्णु न निंदा करणी, मांडो कांध विष्णु कै सरणी।
अंतरा बोल करो जे साचा, तो पार गिराय गुरु की वाचा।
रवणां ठवणां चवरा भवनां, तांहि परे रे रतन काया छैं, लाभै किसे विचारे।
जे नविये नवणीं, खविये खवणी, जरिये जरनी, करिये करणीं, तो सीख हुआ घर जाइये।
रतन काया सांचे की ढाली, गुरु प्रसादे केवल ज्ञाने, धर्म आचारे, शीले संजमे, सतगुरु तूठे पाइये।
✦ मुख्य संदेश:
सतगुरु सही मार्ग दिखाकर भ्रम दूर करता है; मानव जीवन को धर्म, ज्ञान, शील और संयम में लगाना चाहिए।
प्रमाणित
शबद पढ़ें
24
Raag Dhanasari
शब्द 24 — शब्द 24: आसण बैसण कूड़ कपटण
ओ३म्—आसण बैसण कूड़ कपटण, कोई कोई चीन्हत वोजू बाटे।
वोजू बाटे जे नर भया, काचीं काया छोड़ कैलाशे गया।
✦ मुख्य संदेश:
बाहरी साधना से अधिक आवश्यक आंतरिक सत्य और निष्कपटता है।
प्रमाणित
शबद पढ़ें
25
Raag Bilawal
शब्द 25 — शब्द 25: राज न भूलीलो, राजेंद्र
ओ३म्—राज न भूलीलो, राजेंद्र, दुनी न बंधै मेरूं।
पवणा झोले बीखर जैला, धुंवर तणाजे लोरूं।
बोलस आभै तणा लहलोरें, आड़ा डंबर केती बार बिलंबणा।
यो संसार अनेहूं।
भूला प्राणी विष्णु न जंप्यो, मरण विसारो कैहूं।
जहां देखता देव तणां, सुर नर खीणा, जंबू द्वीप रुणां न रहिया।
नदिये नीर न छीलर पाणी, धुंवर तणा जे मेहूं।
हंस उड़ाणो, पंथ बिलंब्यो, आसा सांस निरास भईलो, ताथे होयसी रंड निरंडी देहूं।
पवणा झोले, बीखर जैला, गैंण बिलंबी खेहूं।
✦ मुख्य संदेश:
संसार की संपत्ति और सत्ता क्षणभंगुर हैं; सत्य की खोज ही स्थायी आध्यात्मिक दिशा है।
प्रमाणित
शबद पढ़ें
26
Raag Bilawal
शब्द 26 — शब्द 26: घण तण जीम्या, को गुण नाहीं
ओ३म्—घण तण जीम्या, को गुण नाहीं, मल भरिया भंडारूं।
आगे पीछे माटी झूले, भूला बहेंज भारूं।
घणा दिना का बड़ा न कहिबा, बड़ा न लंघिबा पारूं।
उत्तम कुली का उत्तम न होयबा, कारण किरिया सारूं।
गोरख दीठां सिद्ध न होयबा, पोह उतरबा पारूं।
कलजुग बरतै चेतो लोई, चेतो चेतण हारूं।
सतगुरु मिलियो सत पंथ बतायो, भ्रांत चुकाई बिदगा रातें उदगा गारूं।
✦ मुख्य संदेश:
कुल, प्रतिष्ठा और बाहरी पहचान नहीं—कर्म, चेतना और आचरण मनुष्य को श्रेष्ठ बनाते हैं।
प्रमाणित
शबद पढ़ें
27
Raag Bilawal
शब्द 27 — शब्द 27: पढ़ कागल वेदूं, शास्त्र शब्दूं
ओ३म्—पढ़ कागल वेदूं, शास्त्र शब्दूं, पढ़ सुन रहिया, कछु न लहिया।
नुगरा उमंग्या, काठ पखाणो, कागल पोथा ना कछु थोथा, ना कछु गाया गीऊं।
किण दिशा आवै, किण दिशा जावै, माई लखे न पीऊं।
इण्डे मध्ये पिंड उपना, पिंडा मध्ये बिंब उपना, किण दिस पैठा जीऊं।
इण्डा मध्ये जीव उपना।
सुपणे काजी, सुपणे मुल्लां, पीर ऋषेश्वर रेमस वासी, तीरथ वासी किण घट पैठा जीऊं।
कंसा शब्दे कंस लुकाई, बाहर गई न रीऊं।
क्षिण आवै, क्षिण बाहर जावै, रूत कर बरसत सीऊं।
सोवन लंक मंदोदरी काजे, जोय-जोय भेद विभीषण दीयो।
✦ मुख्य संदेश:
पुस्तक पढ़ना ज्ञान की शुरुआत है; वास्तविक ज्ञान आत्म-अनुभूति से पूर्ण होता है।
प्रमाणित
शबद पढ़ें
28
Raag Bilawal
शब्द 28 — शब्द 28: मछली मच्छ फिरै जल भीतर
ओ३म्—मछली मच्छ फिरै जल भीतर, तिहिं का माथ न जोयबा।
परम तत है ऐसा, आंछै उरवार न ताछै पारूं।
ओवड़ छेवड़ कोई न थीयों, तिहिं का अंत लहीबा कैसा।
ऐसा लो भल ऐसा लो, भल कहो न कहा गहींरूं।
परम तत कै रूप न रेखा, लीक न लेहूं, खोज न खेहूं, वर्ण बिबरजत, भावै खोजो बावन वीरूं।
मीन का पंथ मीन ही जाणैं, नीर सरंगम रहियूं।
सिद्ध का पंथ कोई साधु जाणत, बीजा बरतन बहियूं।
✦ मुख्य संदेश:
परम तत्व असीम है; उसे केवल बाहरी रूप या सीमाओं से नहीं समझा जा सकता।
प्रमाणित
शबद पढ़ें
29
Raag Bilawal
शब्द 29 — शब्द 29: इलोल सागर (गुरु कै शब्द असंख्य प्रबोधी)
ओ३म्—गुरु कै शब्द असंख्य प्रबोधी, खारसमंद परीलो।
खारसमंद परै परै, चोखड़ खारूं, पहला अंत न पारूं।
अनंत करोड़ गुरु की दावण बिलंबी, करणी सांच तरीलो।
सांझे जमों सबेरे थापण, गुरु की नाथ डरिलो।
भगवीं टोपी थल शिर आयो, हेत मिलाण करी लो।
अंबाराय बधाई बाजै, हृदय हरि सिंवरिलो।
कृष्ण माया चोखड़ कृषाणी, जंबू दीप चरिलो।
जंबूद्वीप ऐसो चर आयो, इसकंदर चेतायो।
मान्यो शील हकीकत जाग्यो, हक की रोजी धायो।
ऊंनथ नाथ कुफह का पोहमा आग्या, पोहका धुर पहुंचायो।
मोरै धरती ध्यान बनस्पति वासो, ओजूं मंडल छायो।
गीदड़ मेर पगां पै पर्वत, मनसा छोड़ तुलायो।
एजुग चार छत्तीसां और छत्तीसां।
आसरा बहै अंधारी, म्हे तो खड़ा बिहायो।
तेतीसां की बरग बहां म्हे, बारां काजे आयो।
बारां थाप घणा न ठाहर, मतांतो डीले डीले कोड़ रचायो।
म्हे ऊंचे मंडल का रायो।
समंद बिरोल्यो बासंग नेतो, मेर मथांगी थायो।
संसा अर्जुन मारयो कारज सारयो, जद म्हे रहस दामामा बायो।
फेरी सीत लई जद लंका, तद म्हे ऊंचे थायो।
दस सिर का दस मस्तक छेदा, बाण भला निरतायो।
होजी नाहीं, लह लह खेलत जायों।
कंसा सुरसूं जुवै रमियां, सहजै नंद हरायों।
कूंत कुंवारी कर्ण समानो, तिहिंका पोह पोह पड़दा छायों।
पाहे लाख मजीठी पाखो, बन फल राता पींजू, पाणी के रंग धायों।
तेपण चाखण चाख्या, भाखण भाख्या।
जोय जोय लियो फल, फल केर रसायों।
थे जोग न जोग्या भोग न भोग्या, न चीन्हों सुर रायों।
कप बिन कूकस कांय पीसो, निश्चै सरी न काहों।
म्हे अबधू निर पख जोगी, सहज नगर का रायों।
जो ज्यूं आवै सो त्यूं थरपां, साचा सूं सत भायों।
मोरै मनहीं मुद्रा, तनहीं कंथा, जोग मार्ग सहडायों।
सात सायर म्हे कुरलै कीयौं, ना म्हे पीया न रह्या तिसायों।
डाकण शाकण निंद्रा खुध्या, ये म्हारे तांबे कूप छिपायों।
म्हारे मनहीं मुद्रा तनहीं कंथा, जोग मार्ग सह लीयो।
डाकण शाकण निंद्रा खुध्या, ऐ मोरे मूल न थीयों।
✦ मुख्य संदेश:
गुरु-वाणी की गहराई अनंत है; वास्तविक योग बाहरी प्रतीकों से अधिक आंतरिक साधना और सहज अवस्था में है।
प्रमाणित
शबद पढ़ें
30
Raag Bilawal
शब्द 30 — शब्द 30: कूं ची वाला शब्द (आयो हुंकारो जीवड़ो बुलायो)
ओ३म्—आयो हुंकारो जीवड़ो बुलायो, कह जीवड़ा कै करण कमायो।
थरहर कंपै जीवड़ो डोलै, उत माई पीव न कोई बोलै।
सुकृत साथ सगाई चालै, स्वामी!
पवणा पाणी नवण करतों, चंदे सूरे शीश निवंतो, विष्णु सुरां पोह पूछ लहंतो।
इहिं खोटे जन मंतर स्वामी, अहनिश तेरो नाम जपतों।
निगम कमाई मांगी मांग, सुरपति साथ सुरा सू रंग।
सुरपति साथ सुरां सूं मेलो, निज पोह खोज ध्याइये।
भोम भली कृष्ण भी भला, बूढ़ो है जहां बाहिये।
करषण करो सनेही खेती, तिसिया साख निपायिये।
लुणचुण लीयो मुरा तब कीयो, कण काजे खड़ गाहिये।
कणतुस झेड़ो होय नवैड़ो, गुरुमुख पवण उड़ाइये।
पवणा डोले तुस डुलेलो, कपले अर्थ लगाइये।
यूं क्यों भलो जे आप न जरीये, औरां अजुर जराइये।
यूं क्यों भलो जे आप न फरिये, औरां अजुर फराइये।
✦ मुख्य संदेश:
अपने कर्मों को शुद्ध करो और दूसरों के साथ वही व्यवहार करो जो अपने लिए उचित समझते हो।
प्रमाणित
शबद पढ़ें
31
Raag Gauri
शब्द 31 — शब्द 31: भल मूल सींचो रे प्राणी
ओ३म्—भल मूल सींचो रे प्राणी, ज्यूं का भल बुद्धि पावै।
जामण मरण भव काल जु चूके, तो आवागवण न आवै।
भल मूल सींचो रे प्राणी, ज्यूं तरवर मेलत डालूं।
हरि परि हरि की आण न मानी, झंखा झूल्या आलूं।
देवा सेवा टेव न जाणी, न बंध्या जम कालूं।
भूले प्राणी विष्णु न जंप्यो, मूल न खोज्यो, फिर-फिर जोया डालूं।
बिन ऐणायार हीरे नीरे, नग न सीपे तके न खोला नालूं।
चलन चलते, बास बसंते, जीव जिवंते, सांस फुरंते, काया निवंती, कांय रे प्राणी विष्णु न धाती भालूं।
घड़ी घटंतर पहर पटंतर, रात दिनंतर, मास पखंतर, क्षिण ओल्हरबा कालूं।
मीठा झूठा मोह बिंबण, मकर समाया जालूं।
कबहूं को बाइंदो बाजत लोई, पगड़िया मस्तक तालूं।
जीवां जूणी पड़ै परासा, ज्यूं झींवर मच्छा जालूं।
पहले जिवड़ो चेध्यो नाहीं, अब ऊंडी पड़ी पहारूं।
जीव र पिंड बिछोड़ो होयसी, ता दिन थाक रहै सिर मारूं।
✦ मुख्य संदेश:
मूल को सींचो—समय रहते सत्य, सद्बुद्धि और धर्म को जीवन में स्थापित करो।
प्रमाणित
शबद पढ़ें
32
Raag Gauri
शब्द 32 — शब्द 32: कोड़ गऊ जे तीरथ दानौं
ओ३म्—कोड़ गऊ जे तीरथ दानौं, पंच लाख तुरंगम दानौं।
कण कंचन पाट पटंबर दानौं, गज गेंवर हस्ती अति बल दानौं।
करण दधीचि सिवर बल राजा, श्री राम ज्यूं बहुत करे आचारूं।
जां जां बाद विवादि अति अहंकारी लबद सबादी, कृष्ण चरित बिन नाहिं उतरिबा पारूं।
✦ मुख्य संदेश:
दान और धार्मिक कर्म तभी सार्थक हैं जब उनके साथ अहंकार-रहित चरित्र और सच्चा आचरण हो।
प्रमाणित
शबद पढ़ें
33
Raag Gauri
शब्द 33 — शब्द 33: कवण न हुआ कवण न होयसी
ओ३म्—कवण न हुआ कवण न होयसी, किण न सहयो दुख भारूं।
कवण न गइया कवण न जासी, कवण रहया संसारूं।
अनेक अनेक चलंता दीठा, कलि का माणस कौन विचारूं।
जो चित होता सो चित नाहीं, भल खोटा संसारूं।
किसकी माई किसका भाई, किसका पख परवारूं।
भूली दुनिया मर मर जावै, न चीन्हों करतारूं।
विष्णु विष्णु तू भण रे प्राणी, बल बल बारम्बारूं।
कसणी कसबा भूल न बहबा, भाग परापति सारूं।
गीता नाद कविता नाऊं, रंग फटारस टारूं।
फोकट प्राणी भरमे भूला, भल जे यों चीन्हों करतारूं।
जामण मरण बिगोवो चूकै, रतन काया ले पार पहुंचै, तो आवागवण निवारूं।
✦ मुख्य संदेश:
संसार और उसके संबंध परिवर्तनशील हैं; कर्ता और मूल सत्य की पहचान ही वास्तविक जागृति है।
प्रमाणित
शबद पढ़ें
34
Raag Gauri
शब्द 34 — शब्द 34: फुंरंग फुंहारे कृष्णी माया
ओ३म्—फुंरंग फुंहारे कृष्णी माया, घण बरसंतां सरवर नीरे।
तिरी तिरन्तै तीर, जे तिस मरै तो मरियूं।
अण्णों धणों दूध दहींयूं, घीऊं मेऊं टेऊं जे लाभंता, भूख मरै तो जीवन ही बिन सरियूं।
खेत मुक्त ले कृष्णौं अर्थीं, जे कंध हरे तो हरियूं।
विष्णु जंपता जीव जु थाकै, तो जीवड़ियां बिन सरियूं।
हरि हरि करतां हरकत आवै, तो न पछतावो करियूं।
भीखी लो भीखियारी लो जे आदि परम तत लाधो।
जाके बाद विराम विरांसो सांसो, ताने कौन कहिस साल्हिया साधो।
✦ मुख्य संदेश:
संसार परिवर्तनशील है; जीवन रहते परम तत्व की खोज करनी चाहिए।
प्रमाणित
शबद पढ़ें
35
Raag Gauri
शब्द 35 — शब्द 35: बल बल भणत व्यासूं
ओ३म्—बल बल भणत व्यासूं।
नाना अगम न आसूं।
नाना उदक उदासूं।
बल बल भई निरासूं।
गल में पड़ी परासूं।
जां जां गुरु न चीन्हों।
तइया सींच्या न मूलूं, कोई कोई बोलत थूलूं।
✦ मुख्य संदेश:
गुरु की पहचान और जीवन के मूल का पोषण साधना की वास्तविक नींव है।
प्रमाणित
शबद पढ़ें
36
Raag Gauri
शब्द 36 — शब्द 36: काजी कथै कुराणूं
ओ३म्—काजी कथै कुराणूं, न चीन्हों फरमाणूं।
काफर थूल भयाणूं, जइया गुरु न चीन्हों।
तइया सींच्या न मूलूं, कोई कोई बोलत थूलूं।
✦ मुख्य संदेश:
धार्मिक ग्रंथ का पाठ ही पर्याप्त नहीं; उसके सत्य संदेश को पहचानकर आचरण में उतारना आवश्यक है।
प्रमाणित
शबद पढ़ें
37
Raag Gauri
शब्द 37 — शब्द 37: लोहा लंग लुहारूं
ओ३म्—लोहा लंग लुहारूं, ठाठां घड़ै ठठारूं, उत्तम कर्म कुंहारूं।
जइया गुरु न चीन्हों।
तइया सींच्या न मूलूं, कोई कोई बोलत थूलूं।
✦ मुख्य संदेश:
सही गुरु जीवन को सही दिशा और स्वरूप देने वाला मार्गदर्शक है।
प्रमाणित
शबद पढ़ें
38
Raag Gauri
शब्द 38 — शब्द 38: रेरे पिंड स पिंडूं
ओ३म्—रेरे पिंड स पिंडूं, निरधन जीव क्यूं खंडूं।
ताछै खंड बिछंडूं, घड़ीयै सै धमंडूं।
अइया पंथ कुपंथूं, जइया गुरु न चीन्हों तइया सींच्या न मूलूं।
कोई कोई बोलत थूलूं।
✦ मुख्य संदेश:
सही पंथ की पहचान के लिए गुरु और मूल सत्य की पहचान आवश्यक है।
प्रमाणित
शबद पढ़ें
39
Raag Gauri
शब्द 39 — शब्द 39: उत्तम संग सुसंगूं
ओ३म्—उत्तम संग सुसंगूं, उत्तम रंग सुरंगूं।
उत्तम लंग सुलंगूं, उत्तम ढंग सुढंगूं।
उत्तम जंग सुजंगूं, तातैं सहज सुलीलूं।
सहज सुपंथ, मरतक मोक्ष दुवारूं।
✦ मुख्य संदेश:
उत्तम संगति → उत्तम विचार → उत्तम आचरण → सहज सही मार्ग।
प्रमाणित
शबद पढ़ें
40
Raag Gauri
शब्द 40 — शब्द 40: सस पाताले तिहूं त्रिलोके
ओ३म्—सस पाताले तिहूं त्रिलोके, चवदा भवने गगन गहीरे।
बाहर भीतर सर्व निरंतर, जहां चीन्हों तहां सोई।
सतगुरु मिलियां सतपंथ बतायो, भ्रांत चुकाई अवर न बुझबा कोई।
✦ मुख्य संदेश:
परम सत्य सर्वत्र है; सतगुरु भ्रम दूर कर सत्य के मार्ग की पहचान कराता है।
प्रमाणित
शबद पढ़ें